Ved 15-tida kom det melding om at ein fotgjengar var påkøyrt på rv 15 ved Nysetra vest i Skjåk.
Politiet melder litt over klokka 16.30 at tre personar er skadd, og at ulykka framstår som alvorleg.
To sjukebilar og helikopter er med i redningsarbeidet.
Ved operasjonsentralen til politiet i Innlandet får Fjuken opplyst at det dreier seg om ein bil som har stått på ei lita lomme vest for Nysetervatnet/Vuluvatnet, med personar både inni og utanfor bilen.
– Det har da kome ein bil som har køyrt inni både personar og bil, og ulykka framstår som svært alvorleg, seier Frode Øvreås ved operasjonssentralen.
Han fortel at naudetane arbeider på staden, og at riksvegen nå er heilt stengt.
Det er vinterføre på alle fjellovergangar, og dei med sommardekk har ingenting etter vegen å gjera fredag.
Oppdatering klokka 18.00:
Klokka 17.40 blir det meldt at vegen er delvis opna ved ulykkesstaden.
Total var det åtte personar innblanda i ulykka, tre alvorleg skadde er frakta til sjukehust, fem andre er sjekka av helsepersonell.