Denne veka kunngjorde bandet «Vassendgutane» at deira nåverande steelgitarist sluttar i bandet. Same tid vart det gjort kjent at Alf Rune Melby frå Skjåk har valt å starte oppatt i bandet.
Saman med Lars Egil Vågseter, også han tidlegare «Vassendgutane»-medlem, skal Melby dele på jobben som steelgitarist i bandet frå helga 18. mai.
– Eg gler meg til å stå på scena att med eitt av landets mest populære band. Ikkje minst gler eg meg til å treffe att alle kjente blant publikum, seier Alf Rune Melby.
Skjåkværen vart fast medlem i «Vassendgutane» i 2013. Han slutta i bandet i desember 2016, men nå blir han altså med att i det som er eitt av landets mest turnerande og populære band.