Møte om grønsaksdyrking

Onsdag 10. januar inviterer «Fjellandbruk er framtid» til grønsaksmøte på Tessand grendahus.

Økologisk: Thea Grobstok Dalen dyrkar eit mangfald av økologiske grønsaker på Nordgard Råstad. Ho er ein av tre innleiarar på grønsaksmøtet på Tessand.  Foto: ARVE DANIELSEN

Nyheiter

Temaet for møtet er moglegheiter og erfaringar med dyrking av grønsaker i Nord-Gudbrandsdalen.

Innleiarar på møtet er Ole Morten Nyborg, Thea Grobstok Dalen og Eivind Øvrelid.

Ole Morten Nyborg er produktkonsulent potet og grønsaker i Norgro. Han har tidlegare vore tilsett i Norsk landbruksrådgjeving Innlandet, der han i mange år jobba som rådgjevar mot potet- og grønsaksdyrkarar.

Thea Grobstok Dalen driv firmaet «Rå saker» på Nordgard Råstad i Vågå.

Eivind Øvrelid har i mange år drive med mjølkeproduksjon og økologisk grønsaksproduksjon på garden Søre Hosar i Skjåk.