Fjuken har valt å skifte distributør av papiravisa. Frå denne veka er det Innlandet Distribusjon, som leverer regionavisa GD og andre lokalaviser i dalen, som skal levere Fjuken.
Dette vil medføre at abonnentane i Ottadalen vil få papiravisa på morgonkvisten og kan lesa Fjuken til morgonkaffien sin på torsdagar.
– Vi i Fjuken har stor tru på dette, og håpar at også abonnentane får stor glede av å lese avisa allereie om morgonen, seier dagleg leiar Asta Brimi.
Også store delar av abonnentane i det indre austlandet vil få papiravisa på utgjevardagen med ny distribusjon.