«Bergtatt» er namnet på den nye hovudutstillinga ved Norsk Fjellsenter.
Utstillinga skal formidle natur- og kulturhistorie i fjellområda i Noreg, med særleg vekt på Jotunheimen, Reinheimen og Breheimen.
Overordna tema er menneske og fjell. Utstillinga skal vise korleis menneske har brukt og brukar fjellet, utviklinga av fjellturismen og friluftslivet i fjellet, nasjonalparkar - bruk og vern, klima og brearkeologi.
I samband med læringsrommet «Fjellviten», skal den nye hovudustillinga motivere til bruk av fjellet.
Totalbudsjettet for utstillinga er 11,5 millionar kroner.
Fylkesutvalet vedtok tysdag samrøystes å bidra med 1,4 millionar kroner.
I saksutgreiinga blir det peika på at fjellsenteret er ein viktig aktør gjennom tilrettelegging av opplevingar med natur og kultur som grunnlag i fjell og nasjonalparkar.