I Ullinsvin har Vågå husflidslag sin tradisjonelle julemarknad med utstilling og sal av husflid og handverk, bakst, smiing og skinnarbeid. Kafé med sal av fersk bakst er det også. I andreetasje er det dessutan juleverkstad for ungar der dei kan lage julepynt som mellom anna kransar og julekorger.
På dagtid laurdag stod ungane i kø for å vera med på juleverkstad. Også i fyrste etasje der salsbodene var, stod folk som sild i tynne.
I Jutulheimen arrangerer Edith Skogen og Tone Brun salsmesse, og utstilling av gyngehestar. 16 flotte og vidt forskjellige gyngehestar er utstilt. I Jutulheimen er det elles sal av ymse varer både ute og inne. Julenek, mjukbrød, postkort, handverksprodukt er blant det som er å få kjøpt.
Da Fjuken var innom Jutulheimen laurdag var det bra trafikk og godt sal.
Julemarknadane i Ullinsvin og i Jutulheimen held fram sundag.