Sundag har det vore gråvêr og regn i Ottadalen. Dette gjer at elver og bekker veks.
Regna gjorde det også torsdag 18. mai, medan det fredag og laurdag var finvêr.
Statistikk på Glommens og Laagen Brukseierforening si nettside GLB.NO, viser at vasstanden på Lalm målestasjon var 356,13 meter klokka 06.00 sundag morgon.
Sidan torsdag har Lalmsvatnet stige med 1,25 meter. Dette er 1,83 meter over normalen for årstida.
Bøvra har stige med 74 centimeter sidan torsdag ved Akslen, medan Otta-elva har stige med 54 centimeter på same tid.