Gode minne Pilot Finn Smedbold tykte det var triveleg å besøkje Fjellredningsstasjonen i Lom. (Foto: Vigdis Kroken)

Gode minne Pilot Finn Smedbold tykte det var triveleg å besøkje Fjellredningsstasjonen i Lom. Foto: Vigdis Kroken

På gamle trakter

Finn Smedbold (84 år), tidlegare sjefpilot i Mørefly, kjenner godt til Fjellredningsstasjonen i Lom. Langfredag kom han på besøk.

– Ein liten kaffistopp, berre. Eg er på veg til hytta på vestlandet, sa den beskjedne karen da han steig ut av bilen.

Finn Smedbold var fast «påskepilot» ved Fjellredningsstasjonen i Lom frå 1977 til 1991, da han vart pensjonist. Han har mange minne frå dei 15 åra ved fjellredningsstasjonen i Lom, men tykkjer det er vanskeleg å trekkje fram spesielle hendingar. Han har vore med på ei mengd redningsoppdrag opp gjennom åra, naturleg nok.

– Det var vanskeleg å få Justisdepartementet til å løyve pengar til helikopter i Lom, men dei gjekk da med på å gje nokre tusenlappar til slutt, fortel han.

Somme påsker var det stille, andre påsker var det svært travelt. Påska 1987 var pilot Finn Smedbold og dei andre ved Fjellredningsstasjonen i Lom ute på heile 14 oppdrag.

– Men den gongen, før nettavisene kom, var det få journalistar som tok kontakt. Det var jo heilagdagar og dermed ingen papiraviser som kom ut. Ein måtte rett og slett ha flaks for å koma i avisa den gongen, ler han.

Arve Nørjordet har vore på vakt og oppdrag med Finn Smedbold mange gonger. Han fortel om ein svært sindig og roleg kar. Ein gong, på eit redningsoppdrag der to karar sat fast på ei fjellhylle under toppen av Store Skagastølstind, stussa han rett nok litt på pilot Smedbold.

– Det var ikkje godt flygevêr, og Smedbold sa: «Jeg skjønner det ikke». «Kva er det du ikkje skjønar?» spurte eg. Svaret frå Smedvold var: «Jeg skjønner ikke hva de vil oppi der...».

Kaffi og latter Finn Smedbold og Arve Nørjordet delte mange gode historier i solveggen ved redningsstasjonen langfredag.
(Foto: Vigdis Kroken)

Kaffi og latter Finn Smedbold og Arve Nørjordet delte mange gode historier i solveggen ved redningsstasjonen langfredag. Foto: Vigdis Kroken

Meir å lese på Fjuken:
 
Det fyrste året Avisutklipp frå 1977, det fyrste året det var stasjonert helikopter i Lom. Sjefpiloten det er bilde av: Ein ung Finn Smedbold.
(Foto: Avisutklipp)

Det fyrste året Avisutklipp frå 1977, det fyrste året det var stasjonert helikopter i Lom. Sjefpiloten det er bilde av: Ein ung Finn Smedbold. Foto: Avisutklipp

Blir lese nå:
 

Ta bussen til fjells

I sommar kan ein ta bussen til fjells i Gudbrandsdalen og Valdres.

Skårar høgt i NAF-test

Skeid Kro i Skjåk og Bakeriet i Lom får skryt av NAF.

Billettsystem på Gjendebåten

Ny båt og booking gjev nytt rekordår

Gjendebåten ligg an til ein ny rekordsesong. Ny båt og billettsystem har noko av æra. 

Taus lokalradio i Skjåk

Ottadalsradioen slit med signal i Lom og Skjåk.

Får ros av landbruks- og matministeren

Landbruks- og matdepartementet rosar utviklinga på Billingen Seterpensjonat og Brimi Sæter.

Promillekøyring i Lom

Ein danske hadde tatt seg «en lille en» og vart stoppa av politiet i Lom sentrum.

Funne i god behald

Mannen som har vore sakna på Sognefjellet, er funne i god behald av leitemannskapa.

Leiteaksjon på Sognefjellet

Ein mann som skulle gå frå Nørstedalseter til Sognefjellshytta, er meldt sakna. Mannskap frå røde kors hjelpekorps deltek i leitaksjonen.

20. plass i NM i motbakkeløp

Vegard Galaaen frå Bøverdalen stilte laurdag i sitt fyrste NM i motbakkeløp. Av 192 startande kom han på 20. plass.

Solid innsats i Valdresrittet

Tormod Weydahl frå Ottadalen sykkelklubb vann klasse junior elite i Valdresrittet laurdag.

Vann NM på heimebane

Olav Opsanger  vann sin sjuande NM-tittel i hanggliding som vart avslutta i Vågå laurdag.