Bengt Dahlberg, grunnleggjar og eigar av Geirangersjokolade, har gjort det godt i «sjokolade-VM»
Instituttet Academy of Chocolate organiserer fleire av verdas leiande produsentar av kvalitetssjokolade. Akademiet annonserte nyleg vinnarar blant gode sjokolader, og Dahlberg har vore i London og teke i mot edle medaljar for tre konfektar. Gull for Blåskimmelfyll av Kraftkar, sylv for Gudbrandsdalsost (frå Lom og Skjåk) og bronse i klassa Alcohol Ganache for Friaren Whisky.