I desember vart den nye busshaldeplassen ved gamle Bilkontoret i Mo'om teken i bruk for av- og påstiging på alle skule- og lokalruter.
Det er Vågå kommune som står for prosjektet, med lokale aktørar som står for utbygginga. Nordplan har stått for prosjekteringa, medan Skogen Entreprenør har utført arbeidet.
Den nye busshaldeplassen gjev plass til fem rutebussar, to parkeringsplassar for buss for Vågå Hotell, og parkeringsplass for reisande. Plassen er universelt utforma og det er 5-6 plassar for Handikap-parkering.
Nå er buss-skuret på plass. Her er det plass til både syklar og busspassasjerar under tak.
Totalt er det investert cirka 3,8 millionar kroner.
Snart blir det offisiell opning av Vågåmo rutebilstasjon. Da blir det utstilling av gamle bussar for å spegle historia rundt det gamle Bilkontoret.
Namnet «Bilkontoret» er på folkemunne godt innarbeidd og vil nok henge med ei stund til.