Skjåk Energi beklagar dei uheldige konsekvensane straumbrota førre veke kan ha påført kundane.
Det var torsdag 11. februar at Skjåk Energi varsla abonnentane sine om moglege straumbrot gjennom dagen og kvelden, for kundar mellom Skjåk 1 og Lom, i samband med testing av effektbrytarar på høgspentlinje.
I samband med dette vart fleire av kundane i området rundt Skjåk 1 Kraftverk råka av ei unormal hending i straumnettet. Nå beklagar selskapet.
– Vi beklagar dette, og vil oppmode alle våre kundar i nærområdet til Skjåk 1, som meiner denne hendinga er årsak til skade på elektriske og elektronisk utstyr, om å ta kontakt med Skjåk Energi, seier driftsingeniør Arild de Presno, som er kontaktperson for registrering av skader som har oppstått som fylgje av hendinga førre veke.