Det var klokka 12.35 måndag at politiet fekk melding om ei trafikkulykke på riksveg 15 ved Skjåk kyrkje.
Politiet melder at ein bil skal vera påkøyrd bakfrå.
I fylgje politiet skal det ikkje vera prat om alvorlege personskader.
Naudetatane rykka ut til ulykkesstaden.
Klokka 13.45 får Fjuken opplyst frå operasjonssentralen i Innlandet politidistrikt at vegen er rydda.
– Éin person er frakta til legevakt for helsesjekk. Politiet har oppretta sak, og har teke beslag i førarkortet til føraren av bilen som køyrde inn i bilen framfor, seier operasjonsleiar Therese Bilterud.
Føraren som vart fråteke førarkortet er i fylgje politiet heimehøyrande i vårt distrikt, og er ein eldre mann. Den andre føraren er ikkje heimehøyrande i distriktet.