Frå onsdag morgon er det venta snøfokk i fjellet på grunn av sterk vind frå vest og snø.
Det melder Meteorologisk institutt (MET), som har sendt ut gult farevarsel for fjellet i Sør-Noreg.
– Det kan bli redusert sikt og lokalt vanskelege køyreforhold på grunn av snø som pakkar seg i vegbana. Kolonnekøyring kan bli innført og vegar kan bli stengde på kort varsel, opplyser MET, og ber trafikantar sjekke vegmeldingar og køyre etter forholda.
MET opplyser også at det er venta mykje snø i fjellet i Sør-Noreg onsdag og torsdag.
– Det kan koma 25–50 centimeter med snø på 24 timar, og mest i vestlege fjelltrakter. I tillegg er det venta kraftig vind og snøfokk i heile området, opplyser MET.
