Det var klokka 16.28 måndag ettermiddag at politiet fekk melding om ei alvorleg trafikkulykke på fylkesveg 55 Sognefjellsvegen, i Lom.

Politiet opplyser at naudetatane er på veg til staden, og at vegen er stengt forbi ulykkesstaden.

I fylgje operasjonssentralen i Innlandet politidistrikt skal det vera prat om ei ulykke mellom bil og traktor.

Vegtrafikksentralen i Statens vegvesen opplyser rett før klokka 17 at brannvesenet dirigerer lette køyrety om Solsidevegen, medan tungtrafikken må vente.