Det seier leiar i Noregs Mållag, Peder Lofnes Hauge, og leiar i Norsk Målungdom, Frida Pernille Mikkelsen.
12. mai i 1885 vedtok Stortinget å likestille nynorsk og bokmål. Vedtaket har sidan vorte kalla «jamstillingsvedtaket».
– Vi ynskjer at fleire skal ta steget og faktisk skrive nynorsk. At fleire får møte nynorsk, vil alle tene på, seier Frida Pernille Mikkelsen.
Nynorskdagen er Noregs Mållag og Norsk Målungdom si markering av Frivilligåret, og Målungdomen og Mållaget har sendt ut utfordringar om å skrive nynorsk denne dagen til både frivillige organisasjonar, privat næringsliv, ulike delar av kulturlivet og til departement, direktorat og fleire statlege verksemder.
– Vi vonar flest mogleg tek utfordringa, og at vi får sjå nynorsk frå alle kantar torsdag 12. mai, seier Peder Lofnes Hauge.