Frå onsdag kveld til torsdag morgon vil aukande vind og snø gjeva snøfokk i fjellet enkelte stader.
Det melder Meteorologisk institutt (MET), som tysdag har sendt ut gult farevarsel om snøfokk i fjellet i Sør-Noreg.
Farevarselet gjeld frå onsdag klokka 20.00 og varer fram til torsdag klokka 05.00.
– Det kan bli redusert sikt og lokalt vanskelege køyreforhold. Kolonnekøyring kan bli innført og vegar kan bli stengde på kort varsel, opplyser MET.
Dei rår trafikantar til å berekne ekstra god tid, unngå unødvendig ferdsel på utsette stader, og å sjekke oppdaterte vegmeldingar.