Tysdagskvelden 1. november møttest omlag 50 sjårdølar på samfunnshuset for å lære seg å bruke hjartestartar.
Sjårdalen Kvinnelag har kjøpt hjartestartar for nesten 16.000 kroner, og bad inn grendefolket for å sjå og prøve hjartestartaren som dei hadde kjøpt inn.
Roar Berg som til dagleg arbeider i ambulansen gav dei frammøtte ein grundig og god demonstrasjon av hjarte - og lungeredning.
Plasseringa av hjartestartaren er registrert i Norsk Hjartestartarregister slik at AMK-sentralen veit at det finst ein slik på samfunnshuset i grenda.