– Det er vanskeleg å leggje planar for Brustugujordet når reguleringsplanen er utsett, skriv eigarane av eigedommen, Aud og Ronny Andersbakken Fresvik, og Morten og Olivia Andersbakken.
Dei har stilt spørsmål til Vågå kommune om det har kome ei løysing på byggjestopp i Vågåmo etter NVE sin rapport om flaum- og skredfare. Dei forstår det slik at reguleringsplanen for Brustugujordet er lagt på is på grunn av denne rapporten.
– Arbeidet med reguleringsplan for Brustugujordet er sett på vent inntil NVE er ferdige med rapporten om flaum- og skredfare, skriv kommunalsjef Pål Inge Sanden i eit svar på epost.
I følgje Sanden vil arbeidet tidlegast bli sett i gang når denne rapporten er sluttført.
Eigarane av Brustugujordet skriv at interessentar for utvikling på jordet, også ventar på ein ferdig reguleringsplan.