Vågå kommune har for 2018 løyvd 100.000 kroner i støtte til arrangement og aktivitetar i kommunen.
Formålet med støtta er å byggje opp under og stimulere til aktivitetar og arrangement.
Blant retningslinene for å søkje og få støtte heiter det at aktiviteten skal ha privat eller friviljug eigarskap, skal gjennomførast i Vågå, aktivitetar som fremjar samarbeid mellom ulike aktørar vil bli prioritert.
Det kom inn 13 søknader og desse har vore gjennomgått og vurdert av: Stein Holen (tenesteleiar kultur), Live Brimi (næringskonsulent), Tora Sandbu (prosjektleiar kultur) og Mona Sveen (folkehelsekoordinator).
Desse får støtte til arrangement og aktivitetar i Vågå i 2018:
Vågå Trekspelklubb får 4.000 kroner til Minnekonsert etter Hjalmar Moen.
Lalm Musikkforening får 4.000 kroner til 85-års jubileum for musikkforeininga.
Sjårdalen kvinnelag får 3.000 kroner til vårfest for PU, eldre og uføre.
Planleggingskomiteen til «Lyden av Lalm får 3.000 kroner til markering av at Lalm samfunnshus fyller 60 år.
Kvinner i Landbruket får 10.000 kroner til arrangementet Traktor-Rock.
Jutullaget får 5.000 kroner til 30-års jubileum. Konsert på Vågåheimen, Ullinsvin og Jubileumsfeiring i Vågåhallen.
Vågå Idrettslag får 4.000 kroner til Vågåcupen 2018 og 4.000 kroner til Lemonsjørennet.
Gjendesheim får 10.000 til fjellfilm.
Randsverk Grendalag får 8.000 til Randsverkmarknad.
Diktardagar i Lom, Skjåk og Vågå får 12.000 kroner.
Samanslutninga Håndverk + får 17.000 kroner til handverksmesse, stikk-innom-kurs, utstillingar med meir.
Jul i Vågå ved Vågå Utvikling, Gudbrandsdalsmusea, Vågå Historielag og Vågå kommune får 15.000 kroner til fellesarrangement for jul i Vågå.