– Det har ikkje vore så mykje snø sidan starten av sommarskisenteret i 1986, seier Per Arne Vole.

Den kalde sommaren gjer at det framleis ligg 4,5 meter snø på Juvbreen. Vole fortel at det seinast sist natt kom eitt par centimeter med nysnø. Isen på Juvvatnet ligg enda, isen har såvidt sleppt land.

Per Arne Vole lovar topp forhold utover hausten. Dei gode forholda i skisenteret ved foten av Galdhøpiggen gjer at mange vel å koma hit, framfor Alpane. Det franske alpinlandslaget kjem, likeins det svenske dame- og herrelandslaget.

Vole fortel at skisenteret også er ope for andre skikøyrarar. Skiheisen er open kvar dag framover og ut oktober.