Laurdag er det venta både snø og vind på fjellet i Sør-Noreg, særleg i vestlege område.
Det opplyser Meteorologisk institutt (MET) fredag ettermiddag, og har sendt ut gult farevarsel om kraftig snøfokk.
Farevarselet gjeld frå klokka 04.00 og fram til klokka 20.00 laurdag.
– Snøfokk kan gjeva redusert sikt og føre til at snø pakkar seg i vegbana, så køyr etter forholda og berekn ekstra tid, oppmodar MET.
Kolonnekøyring kan bli innført og vegar kan bli stengt på kort varsel.