Skjåkmat i Bismo er tildelt gullmedalje for lammerullen sin, og sylvmedalje både for skjåksylta og for røkt juleskinkeskinke med ramslauk (julegrisen).
Det var under kåringa «NM i kjøtprodukt – julemat 2015» at familiebedrifta frå Skjåk vart heidra med tre medaljar. Premieutdelinga gjekk av stabelen i Oslo torsdag denne veka.
– Ein fantastisk dag, og vi gler oss til å dele ut smaksprøver på Lillestrøm i helga, skriv Skjåkmat på Facebooksida si.
I helga er Skjåkmat blant utstillarane på «Oslo Christmas Show» på Norges Varemesse på Lillestrøm. Dette er landets største julemarknad.
Over 400 kjøtprodukt var påmeldt den prestisjefylte matkonkurransen i år, der ein jury har smakt og vurdert seg fram til sine favorittar. Det er Kjøt- og fjørfebransjens Landsforbund som arrangerer kjøtkonkurransen der råvare, utsjånad, lukt, smak og konsistens blir vurdert.
Les meir i papiravisa neste veke.