Politi og brannvesen har rykka ut etter melding om eit jordras som har gått over fylkesveg 2638 Solsidevegen i Lom. Meldinga kom klokka 13:38.
Raset skal ha gått i nærleiken av Kvamme.
– Vi er akkurat framme på staden. Raset skal vera ganske breitt, og har gått over heile vegen, så vegen er heilt sperra. Det skal ikkje vera fare for liv og helse. Ingen er skadd, og det er ikkje fare for hus, fortel operasjonsleiar Geir Rune Ekse til Fjuken rett etter klokka 14.
Fjuken har journalist på staden, som fortel at jordraset har breidd seg utover jordet og så gått over heile vegen.
Politiet opplyser at entreprenør er varsla og er på veg til staden med sperremateriell.
