Fylkesveg 55 Sognefjellsvegen stengjer måndag 10. april, det vil seie 2. påskedag, klokka 14. Meteorologane varslar om dårleg ver med mykje nedbør, vind og snøfokk, og skredfaren kan auke. Strekninga mellom Rustadsætre bom og Sognefjellshytta blir difor stengd. Fylkeskommunen og entreprenøren skal vurdere tilhøva i fjellet på nytt onsdag 12. april klokka 09.

Drivarane av Sognefjellshytta og Krossbu turisthytte har vorte varsla om stenginga, slik at folk som bur der i påsken kan kome seg heim før vegen stengjer, fortel byggjeleiar Andreas Sande Lien i Innlandet fylkeskommune.