Valdresflye blir ikkje opna som planlagt fredag

Vegtrafikksentralen i Statens vegvesen melder at fylkesveg 51 over Valdresflye ikkje blir opna som planlagt fredag.

Fjellovergangen har vore vinterstengt sidan 15. desember, og skulle etter planen opnast for trafikk att fredag ved høgst dag.

Statens vegvesen melder at på grunn av sterk vind og kraftig snøvêr vil ikkje vegen bli opna før tidlegast laurdag klokka 11. Da vil vegvesenet ta ei ny vurdering.