Jan Randen, primus motor for det landskjende veteranbilløpet, kan fortelja at alt er klart for løpet den 27. mai.
– Vi får vel om lag 450 køyretøy på startstreken att i år òg, så alt er som normalt og vi gler oss, seier han.
Løpet har som vanleg start og mål på Nordal camping i Lom. Løypa går oppover Bøverdalen til Liasanden, attende til Lom, vidare til Skjåk - om Reppen, til Bismo, austover Lundagrende og attende til Lom.