Biblioteka i Nord-Gudbrandsdalen inviterte til lesekonkurranse før sommarferien.
Alle ungar mellom seks og 15 år fekk i oppgåve å lese minst fem bøker. I Skjåk var det 62 ivrige lesarar med i konkurransen. Dei las i alt 1005 bøker, og slo dermed naboane Lom denne gongen. I Lom var det 61 deltakarar med, og lomværane las i alt 968 bøker.
I Vågå var det 43 born som melde seg på lesekonkurransen. Dei las i alt 655 bøker.
Dette var det åttande året med den felles lesekonkurransen «Sommar + Bok» i ferien. I alt, dersom vi tek med heile Nord-Gudbrandsdalen, var det med 377 born i konkurransen. Heile 4953 bøker vart lese. Alle ungane fekk armband for kvart leseskjema dei leverte inn. To nettbrett var hovudpremie. I tillegg vart det delt ut ulike premiar som til dømes bøker og kinobillettar.
Fredag kveld inviterte biblioteket i Skjåk til feiring og premieutdeling. Før premiane vart delt ut, hadde Klovnen Knut ei svært artig forestilling.
