– Natt til onsdag er det venta snøfokk i fjellet på grunn av kraftig vind og snøbyger.
Det melder Meteorologisk institutt, som har sendt ut gult farevarsel om snøfokk for dei nordlege fjelltraktene i Sør-Noreg. Også opne område i låglandet kan vera utsett.
I farevarselet melder meteorologane at det kan bli redusert sikt og lokalt vanskelege køyreforhold på grunn av snø som pakkar seg i vegen.
– Kolonnekøyring kan bli innført og vegar kan bli stengde på stutt varsel, opplyser Meteorologisk institutt.
Farevarselet gjeld fram til onsdag klokka 08.00.