Mannen som hamna i kajakkulukka i Smådøla onsdag kveld døde av skadane. Dette stadfester politiet torsdag morgon.

Mannen er i 20-åra, og er britisk statsborgar med lokal tilhøyrsle.

Pårørande er varsla.

Politiet fekk melding rundt klokka 17:30 onsdag kveld om at ein kajakk hadde gått rundt i Smådøla. Pasienten vart frakta til St. Olavs Hospital i luftambulanse da klokka var 19:15.

Det var eit privat følgje med fem-seks personar som var på kajakktur. To kajakkar var i vatnet, og fleire personar fylgde langs elva.

Kriseteam er varsla for å ta hand om dei som var til stades.