Politiet måtte fredag kveld stoppe og åtvare ein bilist på riksveg 15 i Skjåk etter ei skummel forbikøyring i Lom.
Politiet fekk melding om farleg køyring og tok etter bilisten mot Skjåk.
– Det var ein forbikøyringssituasjon der både bilen som vart forbikøyrt og møtande bil måtte stoppe for å unngå ei ulykke, fortel vakthavande på operasjonssentralen i Politiet i Innlandet. Sjåføren skjønte vel kvifor han vart stoppa, for å si det slik, legg politiet til.
Sjåføren fekk køyre vidare etter ei åtvaring frå politiet.