Det opplyser Meteorologisk institutt, som onsdag ettermiddag har sendt ut gult farevarsel om snøfokk i fjellet i Sør-Noreg.
Farevarselet gjeld frå klokka 03.00 natt til fredag og fram til klokka 20.00 fredag kveld.
– Konsekvensar kan bli redusert sikt, det kan bli lokalt vanskelege køyreforhold på grunn av snø som pakkar seg i vegbana, og kolonnekøyring kan bli innført og vegar kan bli stengde på kort varsel, opplyser Meteorologisk institutt.
Dei oppmodar trafikantar til å berekne ekstra god tid, køyre etter forholda, sjekke vegmeldingar, og unngå unødvendig ferdsel på utsette stader.