Bil av vegen i Skogbygda - mistanke om promillekøyring

I fylgje politiet i Innlandet politidistrikt skal ulykka ha skjedd i Botnevegen i Skogbygda.

Ein einsleg bil med tre personar har køyrd av vegen. Politiet fekk melding om ulykka klokka 20.52 laurdag kveld. Rett etter klokka 21.30 melder politiet at naudetatane er på staden.

Politiet kan også opplyse at alle dei tre involverte er ute av bilen og bevisste.

Rett før klokka 22 melder operasjonssentralen i Innlandet politidistrikt at éin av personane blir frakta til sjukehuset på Lillehammer, og dei to andre involverte til legevakta.

Politiet opplyser også at føraren av bilen er mistenkt for promillekøyring, og har fått førarkortet sitt beslaglagt.

Klokka 23.20 blir det opplyst frå politiet at alle tre personane blir frakta til sjukehuset.

Bilen er berga, og vegen er open for fri ferdsel.