Det er innført ekstraordinær bandtvang i heile Skjåk under 900 moh, på grunn av fleire kjøvingar.
Det opplyser Skjåk kommune.
Kjøvingane gjev vanskelege forhold for elg, hjort og rådyr om dei blir jaga av lause hundar.
– Ei forskrift om ekstraordinær bandtvang vart fastsett av Skjåk kommune 25. februar 2024. Forskrifta gjeld til og med 1. april, opplyser kommunen.
Bandtvangen gjeld for alle hundar, med fylgjande unntak:
Politi- og lavinehundar i teneste og under trening
Hundar i bruk som ettersøkshund etter såra eller sjukt vilt
Dressert bufehund som blir brukt til å vakte bufe
Hund brukt under lovleg jakt og organiserte fuglehundprøvar
Frå og med 1. april er det ordinær bandtvang for hundar.