Tilskot til villreintiltak er innbetalte fellingsavgifter for villreinjakt som blir ført attende til det einskilde villreinområdet.
Middel kan bli brukt til følgjande:
• Tiltak som styrkar forvaltninga av villreinstammen
• Tiltak som styrkar kunnskapen om villreinen sin arealbruk i både nåtid og fortid
• Tiltak som fremjer befolkninga si forståing og kunnskap om villreinen sin bruk av fjellområda
Villreinnemnda for Reinheimen-Breheimen opplyser at søknaden må innehalde målsetjing og beskriving av tiltaket, budsjett og tidsramme for gjennomføring, namn og kontonummer.
Søknaden må sendast til Villreinnemnda innan 15. juli.