Fredag var det konstituering av det nye regionrådet i Nord-Gudbrandsdal.

Valkomiteen hadde innstilt ordførar Bjarne Eiolf Holø i Lom som leiar og ordførar Bengt Fasteraune i Dovre som nestleiar.

Dei vart vald som leiar og nestleiar for for perioden 30. oktober 2015 – 31. desember 2017.

Bengt Fasteraune takka for seg etter seks år som regionrådsleiar. Han trekte fram Nord-Gudbrandsdal Lokalmedisinske Senter som noko av det største som er skjedd dei siste åra.

Bjarne Eiolf Holø sa at Fasteraune har vore ein ressurs og samlande leiar, da han takka Dovreordføraren.

– Eg gler meg til å ta fatt på oppgåva med spenning, sa den nyvalde regionrådsleiaren da han takka for tilliten.