Sundag kveld kunne Statens vegvesen og Meteorologisk institutt melde om at snøen hadde lagt seg både på Sognefjellet og på Valdresflye.
– Snøgrensa ligg på 1.000–1.400 meter gjennom natta og i morgontimane måndag, varsla Meteorologisk institutt sundag kveld.
Måndag kom det oppdatert farevarsel.
– Vi ventar periodar med sludd og snø på enkelte fjellovergangar i Sør-Noreg fram til onsdag morgon, opplyser Meteorologisk institutt måndag.
Blant fjellovergangane er fylkesveg 55 over Sognefjellet, fylkesveg 51 over Valdresflye og riksveg 15 mellom Skjåk og Stryn.
Dersom du skal ferdast på desse fjellovergangane, bør du altså ha vinterdekk på bilen.
Behov for beredskap på fjellovergangane blir vurdert fortløpande av beredskapsaktørane.