Tine gjer strukturelle endringar i produksjonen. Denne gongen går det i favør av Lom og Skjåk.
Anlegget på grensa mellom Lom og Skjåk produserer i dag 850 tonn, og får overført litt under 400 tonn frå Ørsta.
– Av dette er 191 tonn brunost og 200 tonn Gomme- og Søst-produkter, fortel Veronika Skagestad ved Tine Kommunikasjon.
Det kjem ikkje til å bli endringar med lokalet, men den auka produksjonen kan få positive ringverknader.
– Det kan bli 1-2 nye arbeidsplassar, seier Skagestad.
Tine Lom og Skjåk var for få år sidan nedleggjingstruga, men har befesta stillinga si som produsent av Gudbrandsdalsost.