Dermed er skjåkværane vidare til landsfinalen.
Konkurransen blir arrangert av Landbruks- og matdepartementet. Målet med konkurransen er å setje fokus på matopplevinga for dei som bur i institusjonar. På andreplass kom kjøkenet Linåkertunet i Ringebu, medan det var Øystre Slidre sjukeheim som kapra tredjeplassen.
Juryen slår fast at kjøkenet på Skjåkheimen har ein meny med variasjonar ut frå tilgang på lokale og sesongbaserte råvarer. Skjåkværane legg vekt på gamaldags bondekost som bebuarane er vane med, og det blir lagt vekt på at maten ser innbydande ut. Maten som blir servert på Skjåkheimen er fargerik og har god samansetjing av grønsaker, poteter, fisk og kjøt.
Fredag ettermiddag kom ordførar Elias Sperstad på overraskande besøk til kjøkenet på Skjåkheimen. Med seg hadde han blomar og hjartelege gratulasjonar.
– Her er det gjort ein knakande god jobb. Gratulerer! Dette er god omdømebygging for Skjåk, konkluderte han stolt.