I fylgje politiet skal ulykka ha skjedd på fylkesveg 51 ved Øvre Sjodalsvatnet i Vågå rett før klokka 16 torsdag ettermiddag.
Ved operasjonssentralen i Innlandet politidistrikt blir det opplyst at det er prat om ein einsleg bil med éin person som køyrde av vegen.
Politiet opplyser vidare at bilen gjekk rundt og vart liggjande på taket.
Føraren, ein mann i 60-åra, er køyrd til legevakt for sjekk.
Politiet har oppretta sak.