Likevel er det mogleg å koma seg over «Flye»
– Ved å køyre fylkesveg 257 om Heidal kan alle kjøretøy nå koma seg over Valdresflye, opplyser Kari Hermannrud i Innlandet fylkeskommune.
– Vi har laga ei mellombels omkøyring der vegen har vore stengt for store køyretøy ved Turrhaugane, slik at dei over 7,5 tonn kan koma fram. Ved å køyre fylkesveg 257 om Randsverk, er det nå mogleg å køyre over Valdresflye med alle typar køyretøy, seier einingsleiar Johan Nøkleholm i Innlandet fylkeskommune.
Nøkleholm understrekar at det er redusert framkome både på fv. 51 og fv. 257 og vil vera det ei stund til.
Status viktige fylkesvegar i Gudbrandsdalen:
Gudbrandsdalen:
Fv. 2656 Øverbygdsvegen i Dovre – stengt to stader. Arbeidet ved Hagberget vil vare i minst ei veke til. Strekninga ved Tallerås kan truleg opnast neste veke.
Fv. 2616 Sjårdalen i Vågå – stengt for gjennomkøyring i lengre tid.
Fv. 2640 Nedre Nordheradsveg i Vågå og Lom – stengt for gjennomkyøring, men køyring til eigedomane er mogleg.
Fv. 2632 Skogbygdvegen i Vågå – kun open for mindre køyretøy og tyngre køyretøy med dispensasjon.
Fv. 51 stengt for alle køyretøy ved Randen i Vågå.
Fv. 2528 Arlien bru i Fåberg er stengt.
Fv. 2532 Baksidevegen i Ringebu og Sør-Fron – stengt på grunn av ras fleire steder. Fylkeskommunen jobbar med mellombels omkøyring på det nordre punktet. Utbetringsarbeidet vil ta fleire veker. I tillegg er Randklev bru stengt.