I helga vart terrengsykkelrittet «Furusjøen Rundt» arrangert ved Rondane på Kvamsfjellet.
Ottadalen Sykkelklubb var representert med fleire ryttarar i prestisjerittet.
I klassa junior menn sykla Tormod Weydahl frå Vågå fyrst i mål og sigra over eitt og eit halvt minutt før nummer to i klassa si.
Dei andre deltakarane frå Ottadalen Sykkelklubb gjorde det også bra i «Furusjøen Rundt». Per-Ivar Weydahl tok tredjeplassen i klassa menn 50 Master, Erik Trønnes kom på andreplass i klassa menn 55, i klassa menn 35 kom Hans Magne Helland på andreplass, medan Torbjørn Randen kom på niandeplass i klassa menn 45.
Sjå resultatlista frå «Furusjøen Rundt» her (Ekstern lenkje)