Rv 15 opna att

Rett etter midnatt melde Vegtrafikksentralen i Statens vegvesen at fjellovergangen på riksveg 15 mellom Skjåk og Stryn er stengt på grunn av vanskelege køyreforhold.

– Ny vurdering klokka 03, opplyser Statens vegvesen.

Det var usikkert om riksvegen ville bli opna att natt til måndag, sidan det var skikkeleg ruskevêr.

Ved midnatt var det 4,7 varmegrader, nedbør og vind på 17,2 meter i sekundet i Breidalen. Dette i fylgje vêrdata hjå Statens vegvesen.

Rett etter klokka 4.30 måndag morgon opplyste vegtrafikksentralen at fjellovergangen mellom aust og vest var open for trafikk att.

– Det er stadvis glatte parti, opplyser Statens vegvesen.