I november for tre år sidan vart Olve Sveen (32) og Ingrid Flaten (29) i Skjåk lykkelege foreldre til Ragna. I mars i fjor vart livet snudd på hovudet, da den vesle jenta deira fekk påvist blodkreft. Etter fem intense månader på sjukehuset med behandlingar og komplikasjonar, kom dagen da foreldreparet måtte ta farvel med si eiga dotter. Ragna Sveen tapte kampen mot kreften. Ho vart berre eitt år og ni månader gamal.