– Området du bur i er utsett for flaum dersom vêrprognosene slår til.
Slik opna innkallinga som omtrentleg 200 husstandar fekk på SMS i dag. Det er knytt spaning til om det skal evakuerast eller ikkje i eit utsett område mellom Nugga og Finna i Vågåmo. Det var mange som møtte opp på informasjonsmøtet, og spørsmåla var naturlegvis mange frå salen. Det vart og sett pris på at det vart innkalla til informasjonsmøte.
Førebudde på evakuering
– Det ser ut til å gå i positiv retning, men vi planlegg for evakuering, seier kommunedirektør Odd Erik Sveen.
Han seier vidare at dei håpar å unngå å evaukere om natta. Og er difor spente på dei neste prognosane. Det vil bli eit evakueringsenter på Lalm samfunnshus. Dit kan folk koma å overnatte om dei ikkje har andre alternativ. Det er plassert ut sikkerheitsradio på Vågåheimen, Randsverk kafé og Lalm samfunnshus.
Om det blir evakuering skal Vågå kommune ta stilling til kl 20.00, når nye prognoser kjem frå Statsforvaltaren, opplyser kommunedirektør Odd Erik Sveen til Fjuken.