«Trio» er ein moderne heltesaga og ein krimserie for ungdom med action, humor og drama. Store delar av dei tre sesongane av tv-serien er spelt inn i Skjåk.

I den fyrste sesongen var vi med «Trio» på ein forrykande jakt etter «Odins gull», ein skatt som forsvann i Skjåk-fjella i vikingtida. I sesong to gjekk vi frå det historiske til det moderne da skattejakta vart digital, på leit etter «Cybergullet» inne i Skjåk-fjella.

Dei to fyrste sesongane er tidlegare vist på NRK Super, og i kveld, sundag, er det duka for premiere på den tredje og siste sesongen av tv-serien «Trio».

Skattejegerar har i 500 år leitt etter «Keplerdiamantene» som skal vere gøymd innanfor bymurane i det gamle Hamburg. Ein stolen mynt skal visstnok vere kodenøkkelen. Nora blir forsøkt kidnappa, og «Trio» avslører at far hennar blir halde fanga av skattejeger Schwartz. Skattejegeren trur faren veit kvar mynten er, og vil kidnappe Nora for å presse han til å gjeva frå seg mynten.

Den fyrste av i alt ti episodar av «Trio-Keplerdiamantene» blir vist på NRK Super klokka 19.25 sundag kveld. Deretter vil serien gå kvar sundag klokka 19.00 fram til 15. mai.

I likskap med dei to fyrste sesongane er delar av innspelinga til den tredje sesongen gjort i Skjåk.

Fjuken har sett dei fire fyrste episodane av «Keplerdiamantene», og vi kan slå fast at det også denne gongen blir mykje spenning. Mange lokale ungar, ungdom og vaksne blir å sjå også i denne sesongen.

Torsdag kveld var vi på førpremierefest med produsent, skodespelarar, statistar og andre «Trio»-involverte på Skjåk ungdomsskule.

Les meir, og sjå bilde, frå premierefesten i papiravisa torsdag.