Laurdag 29. juli blir olsok markert i Lom, og som alltid, blir dette markert både i kyrkja og i Presthaugen.
– Det er Lom heimbygdslag som har programmet, men vi er ein del av det, seier Anne Kristin Stenersen, kyrkjeverje i Lom.
Ho fortel at det blir ei gratis omvisning i kyrkja for alle klokka 17:30, før olsokmessa tek til klokka 18.
Etter messa skal det vere program i Presthaugen, der Rita Mundal skal halde olsoktale i Glømsdalsstugu. I tillegg blir det servering og musikk.