I fylgje operasjonssentralen i Innlandet politidistrikt er det eit sauefjøs rett vest for Klones i Vågå som brenn.
– Brannvesenet er akkurat framme og har starta sløkkingsarbeidet. Fjøset er overtent, seier operasjonsleiar Andreas Ulshagen Jorde i Innlandet politidistrikt til Fjuken ved 12-tida.
Alle naudetatar har rykka ut til brannen.
I fylgje politiet er det prat om eit sauefjøs med fleire hundre dyr.
– Nokre dyr er henta ut, men fjøset er overtent, opplyser politiet ved 12.30-tida.
Det skal ikkje vera fare for spreiing til andre bygg eller vegetasjon.