Det var Statens vegvesen som melde at fylkesveg 51 over Valdresflye var stengt på grunn av snøskred ved Rjupetjernet, eller Rjupetjednet.
– Entreprenør er på veg, opplyste vegtrafikksentralen rett før klokka 14 tysdag.
I fylgje operasjonssentralen i Innlandet politidistrikt gjekk skredet over fylkesveg 51, cirka 900 meter aust for Synshorn.
Ingen personar vart tekne av skredet.
Politiet og andre rykka ut til staden for å sjekke forholdet.
Snøskredet vart meld inn til vegtrafikksentralen i Statens vegvesen klokka 13.44 tysdag.
Ved 14.30-tida kunne politiet opplyse at vegen er rydda og open for trafikk att.
Fylkesveg 51 over Valdresflye er for tida nattestengt i tidsrommet 20–08.