– Konklusjonen syner at rasvollen fungerer nett slik han skal. Det er såleis ingen grunn til å vera urolege for vollen på Gjeisarjordet. I etterkant av eit slikt ekstremvêr, vil det bli gjort grundige gjennomgangar av båe rasvollane, skriv Lom kommune på si heimeside.
Lom kommune takkar bygdafolket for den rørande omsorga dei har synt for kvarandre desse vanskelege dagane.
– Det blir lagt ned ein enorm arbeidsinnsats både blant private og alle andre involverte. Dette er til uvurderleg hjelp og styrke for kommunen. Vi rettar ein stor takk til alle for hjelp, tolmod og forståing i ei krevjande tid.