Gjestvon og kvardagsbrød – bakst til yrk og helg

No lir det mot jul, og mange ser fram mot julebaksten, sume med glede, andre med uro. For den som har vore og er bortskjemt med gilde bakstkjerringar i familien, som underteikna, har julebaksten omfatta meir enn dei sju slaga: Dei tradisjonelle bakevarene som fanst før me fekk dei små, søte og ofte tørre kakene. Av dei verre i-landsproblema ein kan ha, må mangel på «slagje fæittbrø’» og mjukbrød i jula vera høgt opp på lista, spør de meg.